ასტროლოგი მიხეილ ცაგარელი გაზეთ „რეზონანსთან" „ერთიანი ნაციონალური მოძრაობის" ირგვლივ განვითარებულ პროცესებს აფასებს. როგორც ცაგარელი აღნიშნავს, მიხეილ სააკაშვილისთვის 2017 წელი საკმაოდ რთული იქნება.

„ამაში გასაკვირი არაფერია, იმიტომ, რომ გუნდში, რომელიც ნელ-ნელა იშლება, აზრთა დაპირსიპირება ყოველთვის მოსალოდნელია, მითუმეტეს თუ ეს ხდება ცვლილებების ფონზე. ამიტომ ეს გაგრძელდება მომავალ წელსაც, რის შედეგადაცა "ნაციონალებში" გამოიკვეთება ვინ არის საშინაო და საგარეო ლიდერი და მოხდება ახალი ჯგუფების, შიდა ფრაქციების ჩამოყალიბება. ეს აუცილებელიც არის, რადგან ეს გუნდი დამარცხდა არჩევნებში და მას ტრანსფორმაცია სჭირდება.

სააკაშვილის გუნდს გამარჯვების ნაკლები შანსები აქვს. მისთვის საერთოდ უმძიმესი წელიწადი მოდის და უნდა იყოს ძალიან ფრთხილად - შეცდომების დაშვების ალბათობა ძალიან მაღალია. მათი წარმატების შანსი მინუმუმდეა დაყვანილი. წარმატების შესაძლებლობა უფრო მეორე მხარეს გადაიხრება", - ამბობს ასტროლოგი.

წყარო :